WAIATA

Rangi Kapura
Nā Te Kura Aho Tapu (30 July 21)
Tēna ra e taku pouwhirinaki e
Taku mano iwa rau mā tahi
Whiowhio rangi whiowhio nuku taku tupuna
Mātaotao te rongorongo kore
Hoerangi, hoenuku, taku hoeroa muramura e
Tēna ra e taku tūmatakokiri e
He one, he pungarehu ka whiowhio
Ko taku tupuna tārewa tū ki te rangi
He kura te haere mai nei
Kura ki uta, kura ki tai, kura ki paenukurangi e
Tēna ra e taku kara tarapepe kore e
Tū tahanga ka hia huringa puanga
Taku ona, taku ina, taku anamata ora
Haere mai rā kia ahau e kara
Whaohia te kiri hura mai nā taku manu e
Tēna ra e taku marau rere rangi e
He nikoniko aho tapu i ahau
Tāmaua mai taku iho atua
Tē makere noa i ahau
He ahi kapura meto kore rawa e.... i....
Rangi kapura e

Taku Okorihi
Nā Mutunga Rameka
E hiwa nei taku ao
Matapōrehu whakatihi manawa
Tū tāhanga nei
Tākirikiri taku kōtara hora ki te whenua
Kua tō te rā ki runga i a koe tōku tupuna
He rangi kapura he muramura mai ra
He roi o mata ka taka noa mai e
Hoerangi, hoenuku, taku hoeroa muramura
Kura ki uta, kura ki tai, kura paenukurangi e
Whaohia te kiri hura mai nā taku manu
Taku Okorihi
Ka tangi, ka hotu, ka moteatea e kara
Ka tihae, ripiripi, kai one te manawa
Tū te pā, tū tangata, tū te ao
Hoerangi, hoenuku, taku hoeroa muramura
Kura ki uta, kura ki tai, kura paenukurangi
Whaohia te kiri hura mai nā taku manu
Taku Okorihi
Tū te pā, tū tangata, tū te ao, whakamaua, tāmaua mai kia tina, Hui e
Taiki e

Te Pou
*Recording from YouTube - Nerehana Whānau
Te tokotoko i whenuku
Te tokotoko i wherangi
Tokia, tukia
Ko te mumu ko te awha x2
Ko te manihi kai ota
Takiri panapana
Ka rau i runga
Ka rau i raro
Ka whai tamore i runga
Ka whai tamore i raro
Tena ko te pou x2
Te pou o rongo
No rongo mauri ora
Ka ora e….....i

Ka Titiro Atu Au
*Recording from FB - Ngātoki o Ngāpuhi
Ka titiro atu au
Ki te reme me he kapua
Hei whakamaharahara
I ēnei rā
He kuaka Marangaranga
Kotahi te manu i tau
Tau atu ki te tāhuna
Tau atu, tau atu e
Keria he waikeri
Ki a puta ki Te Reinga
He waikeri rerenga
Roimata e
He tangata kē koutou
He tangata kē mātou
i roto i tēnei whare
Tātou, tātou e